በከባድ ወንጀል ጥፋተኛ ከተባሉ በኋላ ስለመምረጥ

በዚህ ገጽ ላይ የሚገኝ መረጃ በከባድ ወንጀል ጥፋተኛ ለተባሉ ሰዎች ነው፡፡

ምናልባት በከባድ ወንጀል ጥፋተኛ ከተባሉ፤ የመምረጥ መብትዎ ወደነበረበት ሊመለስ ይችላል ይሆናል፡፡ ይህም በስቴትዎ ወይም በግዛትዎ ሕግጋት እና በቅጣት ውሳኔዎ ዝርዝር ላይ የተመሠረተ ይሆናል፡፡ የቅጣት ውሳኔዎን ስለማጠናቀቅዎ እና የመለቀቂያ ሁኔታዎችዎን ስለማሟላትዎ ለማረጋገጥ ጠበቃዎን ወይም የፍርድ ቤት ወኪል ያነጋግሩ፡፡ እንዲሁም ቀደም ሲል በእስር ላይ ከነበሩ ሰዎች ጋር የሚሰራ የመብት ተከራካሪ ቡድን ጋር መነጋገር ይችላሉ፡፡ ብዙውን ጊዜ እገዛ የሚያደርጉ ጠበቆች የአሏቸው፡፡

ከወንጀል ጥፋተኝነት በኋላ የDepartment of Justice ከወንጀለኛ መቅጫ ፍርድ በኋላ ለስቴት ድምጽ አሰጣጥ ህጎች መመሪያ (በእንግሊዘኛ) ስለምርጫ መብትዎ እንዲረዱ ሊያግዝዎ ይችላል፡፡ መመሪያው እንደየ ስቴቱ ስለወንጀል ድርጊቶች እና ሌሎች ጉዳዮች ለምሳሌ በምርጫ መብትዎ ላይ ተጽእኖ ሊኖረው ስለሚችል ስለ ሙከራ ጊዜ እና አመክሮ ደረጃ በደረጃ መረጃ ይሰጥዎታል፡፡ እንዲሁም የDepartment of Justice መመሪያ ከከባድ ወንጀል ውጭ ሪከርድ ስላለባቸው ለምሳሌ ስለቀላል ጥፋት ወይም በቁጥጥር ስር የመዋል ሪከርድ ስላለባቸው ሰዎች መረጃ ያካተተ ነው፡፡ 

ለመምረጥ ብቁ ከመሆንዎ በፊት መመዝገብ በወንጀል መከሰስን ሊያስከትል ይችላል፡፡

አጠቃላይ መምሪያ በስቴት እና በግዛት

እያንዳንዱ ስቴት እና ግዛት በከባድ ወንጀል ጥፋተኛ ከመባል በኋላ ስለመምረጥ የተለያዩ ሕግጋት አሉት፡፡ በዚህ ስፍራ በእስር ቤት ከቆዩ በኋላ ስለመምረጥ አጠቃላይ መመሪያ ያገኛሉ፡፡ በጥፋተኝነትዎ፣ በከባድ ወንጀል ድርጊትዎ ወይም በሌሎች እርስዎን በሚመለከቱ ዝርዝር ጉዳዮች ላይ ተመስርቶ መወሰድ ያለባቸው ተጨማሪ እርምጃዎች ሊኖሩ ይችላሉ፡፡