Lè w vote, sa ba w posibilite pou defini lavi w epi pou w tounen yon patisipan aktif nan kominote w lan.
Fè premye pa a nan avanti w pou w vote – enskri
Ou kapab enskri alavans anvan ou gen 18 lane (an angle) nan pifò Eta, nan Distri Columbia epi nan teritwa ameriken yo, men ou dwe gen 18 lane pou w ka vote. Plizyè Eta otorize w vote nan eleksyon primè yo depi ou gen 17 lane, si ou pral gen 18 lane anvan eleksyon jeneral la. Jwenn plis enfòmasyon konsènan règ ki aplikab nan Eta w (an angle) epi chèche jwenn dat eleksyon ki pral fèt nan zòn ou sou wèbsayt eleksyon Eta w lan (an angle).
Fè yon plan pou w ka pare pou w vote
Metòd pou vote varye selon chak Eta ak teritwa. Pifò Eta yo ofri opsyon fleksib pou rann pwosesis pou enskri pou ka vote a pi fasil epi adapte ak orè avèk bezwen endividyèl ou.
Ou gen chwa sou fason ou ka enskri
Chak Eta ak teritwa fikse pwòp règ li sou enskrispyon pou vote. Ou gendwa kapab:
- Enskri anliy: Pifò Eta yo ofri enskripsyon anliy. Chwazi Eta oswa teritwa w pou chèche konnen si w ka enskri sou Entènèt.
- Enskri pa kourye lapòs: Ou kapab telechaje epi enprime Fòm Enskripsyon Nasyonal Votè k ap Vote pa Kourye Lapòs (an angle - National Mail Voter Registration Form) pou itilize nan tout Eta eksepte New Hampshire, North Dakota, Wisconsin ak Wyoming. Fòm lan disponib nan plizyè lang.
- Enskri an pèsòn: Ou kapab enskri an pèsòn nan biwo eleksyon Eta oswa lokal ou an (an angle) oswa nan biwo Department Motor Vehicles Eta w la.
Chèche konnen dat limit enskripsyon yo
Pa gen okenn dat limit enskripsyon nasyonal votè. Nan sèten Eta, dènye jou pou enskri a se 30 jou anvan Jou Eleksyon an. Nan lòt Eta yo, ou kapab enskri Jou Eleksyon an. Jou Eleksyon se nenpòt eleksyon (eleksyon lokal, Eta oswa eleksyon nasyonal). Jwenn dat limit enskripsyon votè pou Eta w (an angle).
Egzijans pyès idantifikasyon votè yo
Chak Eta ak teritwa fikse pwòp règ idantifikasyon pa yo. Nan pifò Eta, ou dwe pote pyès idantite w pou w ka vote an pèsòn epi bay enfòmasyon sou idantite w lè w ap vote pa kourye lapòs. Tcheke egzijans pyès idantifikasyon votè pou Eta pa w la (an angle).
Ou kapab jwenn yon kat idantite nan biwo Department Motor Vehicles, menmsi ou pa kondui. W ap bezwen peye yon frè pou jwenn yon kat idantite, men gen òganizasyon ki gendwa ede w kouvri frè sa a pou jwenn pyès idantifikasyon an.
Ou pa bezwen yon kat enskripsyon votè pou vote.
Vote an pèsòn
Pifò moun ki vote nan Jou Eleksyon dwe vote an pèsòn nan yon biwo vòt. Lè w rive nan biwo vòt la, w ap wè anplwaye biwo vòt eleksyon yo ki la pou ede w. W ap vote lè w fè chwa w sou bilten vòt sou papye a oswa sou aparèy elektwonik.
Chèche konnen kikote biwo vòt ou an ye (an angle). Lè biwo louvri ak fèmen pou biwo vòt yo gendwa pa menm pou tout adrès yo. Tcheke ak biwo eleksyon Eta oswa lokal ou an (an angle) si ou gen nenpòt kesyon konsènan adrès biwo vòt ou an.
Vote alavans
Sèten biwo vòt louvri anvan Jou Eleksyon an. Tcheke si Eta oswa teritwa w lan otorize vòt alavans an pèsòn (an angle) oubyen tcheke biwo eleksyon Eta oswa lokal (an angle) ou an pou chèche konnen dat pou vote alavans yo ak règ ki aplikab nan zòn ou an.
Vote pa kourye lapòs ak vote an absans
Sèten Eta òganize eleksyon yon fason pou moun ka vote pa kourye lapòs sèlman. Gen lòt ki pèmèt w mande yon bilten vòt pou vote antank votè ann absans si w pa kapab vote anpèsòn oswa ou pito vote ak yon bilten vòt pa kourye lapòs. Chak Eta gen pwòp direktiv pa yo, kidonk tcheke pou wè si w elijib pou vote pa kourye lapòs nan Eta w (an angle).
Kijan pou voye retounen yon bilten vòt pa korespondans:
- Pa kourye lapòs: Nan sèten Eta ak teritwa, bilten vòt yo vini ak yon anvlòp retou ki deja peye. Nan lòt Eta, ou dwe ajoute tenm sou anvlòp la anvan ou voye li nan kourye lapòs. Pa bliye make tout enfòmasyon sou anvlòp retou an anvan ou voye li ale.
- Bwat a lèt (Drop box) oswa an pèsòn: Ou pa bezwen tenm si ou voye tounen bilten vòt ou an nan biwo eleksyon lokal ou an oswa nan yon bwat lèt ofisyèl pou bilten vòt. Anpil moun sèvi ak bwat lèt yo, men anplasman ak disponibilite yo gendwa varye. Tcheke biwo eleksyon lokal (an angle) ou an pou chèche konnen kikote bwat lèt bilten vòt pa korespondans ki pi pre w la ye.
Jwenn enfòmasyon konsènan bilten vòt ou
Chèche konnen kijan vòt ou enpakte kominote w lan pou w kapab pran yon desizyon byen enfòme.
Anpil biwo eleksyon mete egzanp bilten vòt anliy. Sèten founi tou enfòmasyon anliy oswa nan kourye lapòs konsènan kandida yo ak mezi anplas pou depoze bilten vòt yo. Tcheke wèbsayt eleksyon nan Eta oswa wèbsayt pou eleksyon lokal yo pou jwenn plis enfòmasyon.
Enskri pou w travay kòm anplwaye nan biwo vòt
Sipòte kominote w lè w travay kòm anplwaye biwo vòt k ap touche. Anplwaye biwo vòt yo gen obligasyon diferan depandan kote yo abite a. Anpil biwo eleksyon lokal gen anplwaye biwo vòt ki fè aktivite sa yo:
- Enstale biwo vòt la
- Akeyi votè yo
- Konfime enskripsyon votè yo
- Distribye bilten vòt
- Ede votè yo itilize aparèy vòt la
- Esplike pwosedi pou vote a
Antank anplwaye biwo vòt, y ap peye w pou tan ou fè ap travay la. Peman yo depann sou adrès la.
Jwenn plis enfòmasyon sou fason pou vin yon anplwaye nan biwo vòt (an angle).