Misyon nou an
Vote.gov se yon sous moun fè konfyans pou jwenn enfòmasyon sou vòt ki presi epi ofisyèl gouvènman Etazini mete pou enfòme piblik ameriken an. Misyon nou se pou rann pwosesis la pi fasil pou tout votè ki elijib yo ka konprann kijan pou enskri epi vote.
Vote.gov dirije votè yo pou ale sou wèbsayt eleksyon nan Eta pa yo pou jwenn enfòmasyon sou vòt ki espesifik pou Eta yo. Vote.gov pa enskri moun pou yo ka vote. Ou dwe enskri dirèkteman nan Eta w lan. Vote.gov bay pwoteksyon lavi prive votè yo priyorite lè li pa kolekte ni estoke okenn done pèsonèl piblik la.
Vote.gov ofri enfòmasyon pou vote nan plizyè lang. U.S. Census Bureau (Biwo Resansman Etazini) a rapòte prèske 70 milyon moun pale yon lang ki pa Anglè lakay yo. Nou bay enfòmasyon nan lang ki reflete divèsite sitwayen ameriken yo pou ede moun egzèse dwa yo pou yo vote.
Kimoun nou ye
Vote.gov se yon wèbsayt ofisyèl gouvènman Etazini Sèvis Transfòmasyon Teknoloji (an angle) ki nan General Services Administration, GSA (Administrasyon Sèvis Jeneral) ap jere.
Nou kolabore men nan lamen ak Komisyon Asistans Etazini pou Eleksyon (an angle) (U.S. Election Assistance Commission) epi Ajans pou Sibèsekirite ak Sekirite Enfrastrikti (an angle) (Cybersecurity and Infrastructure Security Agency) a pou asire n ap bay enfòmasyon sou vòt ki fyab epi konsistan.
Nou kolabore tou ak lòt ajans federal — ki gen ladann Federal Voting Assistance Program, U.S. Citizenship and Immigration Services, epi State Department — pou bay enfòmasyon sou pwosesis vòt bay tout moun ki an kontak ak lòt sèvis leta.
Nou gen relasyon etwat ak ofisyèl eleksyon Eta ak lokal yo atravè National Association of Secretaries of State (Asosyasyon Nasyonal Sekretè Deta yo) epi National Association of State Election Directors (Asosyasyon Nasyonal Direktè Eleksyon Eta yo) pou asire n ap kominike enfòmasyon presi sou pwosesis vòt.
Istwa
Vote.gov te kreye an 2016. An 2021, Prezidan Biden te adopte Òdonans Egzekitif 14019 sou Pwomosyon Aksè pou Vote (an angle). Lwa sa a te bay GSA (Administrasyon Sèvis Jeneral) la manda pou amelyore vote.gov, espesyalman pou moun ki konfwonte ak obstak ki anpeche yo vote.
GSA te aktyalize wèbsayt la pou reponn ak objektif Òdonans Egzekitif 14019 la. Wèbsayt vote.gov la eseye bay sèvis pou tout piblik la alawonnbadè. Li ofri:
- Enfòmasyon sou vòt nan 20 lang, ki reprezante 96% piblik ameriken an;
- Karakteristik aksesibilite amelyore ki lofri yon langaj fasil pou konprann, konpatibilite lektè ekran ak dizayn ki gen anpil kontras;
- Zouti pou ranpli fòmilè dijital pou amelyore aksesibilite Fòm Nasyonal pou Enskripsyon Votè nan Kourye Lapòs (National Mail Voter Registration Form);
- Fonksyonalite Search.gov la an konfòmite ak 21st Century IDEA (an angle). Sa fè li pi fasil pou moun chèche epi jwenn enfòmasyon pou vote y ap chache a nan plizyè lang.
- Oryantasyon pou vote ajans federal patnè nou yo bay apati yon sèl resous santralize.
Vote.gov angaje li pou ede chak votè ki elijib egzèse dwa li pou li vote. Vòt ou se vwa w.