Deklarasyon sou Aksesibilite

Fè lekti deklarasyon sou aksesibilite ki soti nan ajans paran vote.gov la, ki rele General Services Administration (Administrasyon Sèvis Jeneral - an angle).

Vote.gov pran angajman anfavè aksesibilite. Se politik nou pou tout moun, ansanm ak moun ki gen yon andikap, gen aksè konplè egalego nan resous pou vote.

Vote.gov konte sou sèten teknoloji pou asire li mache byen ak zouti ki ede moun ki gen yon andikap jwenn aksè nan enfòmasyon sou wèbsayt yo. Teknoloji sa yo gen ladann HTML, WAI-ARIA, CSS ak JavaScript. Yo asire yo vote.gov fasil pou itilize ak lektè ekran, agrandisè ekran, lojisyèl rekonesans vokal epi lòt teknoloji ki bay asistans.

Kontni

Deklarasyon sou aksesibilite

Ekip vote.gov la angaje li pou kreye yon wèbsayt ki aksesib pou tout votè, ikonpri pou moun ki gen difikilte pou wè, tande, itilize ekipman konpitè oswa ki gen difikilte koyitif oswa pou aprann. N ap eseye kontakte tou moun ki pa resevwa ase sèvis, ki gen ladann moun lang natifnatal yo pa Anglè. Aksesibilite se yon efò san rete, epi nou vle eseye amelyore vote.gov nan bay fòmasyon regilyèman pou tout anplwaye nou yo ki ekri kontni, kreye dokiman epi ki bati wèbsayt nou an.

Kijan n ap sipòte epi prezève aksesibilite

Nou asire aksesibilite vote.gov la lè:

  • Nou teste kontni yo manyèlman pou wè si klavye ak lektè ekran yo aksesib
  • Nou itilize gran tit selon seksyon semantik yo pou òganize kontni a
  • Nou pèmèt moun itilize klavye a pou aksede nan tout lyen ak nan pati entèyaktif sou wèbsayt nou an 
  • Enkli fonksyonalite “sote pou ale nan kontni prensipal la”
  • Ajoute kòd nan lyen ekstèn yo pou anonse “ouvri yon nouvo fenèt” pou lektè ekran yo
  • Bay tèks altènatif pou imaj, ikòn ak logo yo
  • Angaje moun tout bon nan tradiksyon kontni a pou bay kontèks ak eksperyans itilizatè
  • Pèmèt itilizatè yo redimansyone tèks la konfòmeman ak preferans yo

Estanda aksesibilite nou yo

Nou kreye paj wèb nou yo pou reponn ak oswa depase estanda Seksyon 508 (an angle) yo, ki se egzijans teknik ki asire nou an konfòmite ak lwa federal sou Seksyon 508 la. Nou konfòme nou tou ak World Wide Web Consortium (W3C, ki se antite ki regile wèb la) ansanm ak Direktif sou Aksesibilite Kontni Wèb (Web Content Accessibility Guidelines, WCAG) 2.1 yo, yo kapab jwenn sou wèbsayt W3C a (an angle). Nou reponn ak estanda Nivo AA yo, sa ki siyifi kontni nou aksesib pou pifò moun nan pifò sikonstans.

Konsiltan ak Tèsting

Nou gen yon konsiltan ekspè endepandan ki òganize odit san rete atravè tès otomatize oswa manyèl pou evalye ak amelyore aksesibilite.

Nou òganize tès sou itilizasyon regilye pou moun ki gen yon andikap epi nou amelyore izaj yo sou baz fidbak sa a.

Anmenm tan, n ap aktyalize sit la ak nouvo fonksyonalite pou gen aksesibilite, nou pral mete ajou deklarasyon aksesibilite sa a tou. Plan fiti nou yo gen ladann yon fonksyonalite ki pèmèt moun adapte kijan wèbsayt la afiche epi ki bay opsyon pou enprime paj yo.

Konpatibilite 

  • Vote.gov konpatib ak pifò nan motè navigasyon Entènèt prensipal yo tankou Chrome, Firefox, Edge ak Safari.
  • Ou ka gade kontni vote.gov la sou yon esmatfòn, yon tablèt, yon laptòp oswa yon konpitè biwo. 

Nou poko idantifye okenn restriksyon nan aksesibilite nan kad odit oswa tès nou yo. Sepandan, vote.gov gen lyen ki oryante moun nan lòt resous ki pa pou leta oubyen leta pa esponnsorize. N ap fè sa si wèbsayt sa yo bay enfòmasyon gouvènmantal ki pa disponib sou yon wèbsayt ofisyèl. Nou pa kontwole wèbsayt ki pa pou gouvèman sa yo. Nou pa ka garanti enfòmasyon ki sou wèbsayt sa yo kòrèk, pètinan, valab toujou oswa si yo konplè.

Èd pou jwenn aksesibilite, fidbak ak plent fòmèl yo

Imèl nou nan Section508-vote@gsa.gov si ou gen nenpòt fidbak sou eksperyans ou ak vote.gov. Ekip nou kapab reponn kesyon, kòmantè oswa preyokipasyon ou yo ann Anglè oswa ann Espanyòl.

Touchpoints ID: votegov-accessibility-survey

Lè w kontakte nou, tanpri make:

  • Adrès wèb la, yo konn rele l tou URL la. Yon URL tipik konsa: http://example.gov/index.html oswa https://www.example.gov/example.
  • Aparèy la ak motè navigasyon w ap itilize a pou aksede nan vote.gov
  • Teknoloji ki bay asistans w ap itilize a, si genyen
  • Yon deskripsyon pwoblèm la ak nenpòt enfòmasyon ki pa aksesib

Remake: Nou siveye Section508-vote@gsa.gov pandan lè biwo nòmal yo lendi pou vandredi nan lè sou Kot Lès Etazini, eksepte pandan jou ferye federal oswa lè nou fèmen.

Selon pwoblèm ki genyen a, ekip vote.gov 508 la ap fè w konnen kilè y ap ka ranje li.

Pou jwenn plis èd toujou pou aksesibilite, tanpli ranpli fòm ki anba a swa ann Anglè oubyen ann Espanyòl.

Si w gen kesyon, kòmantè oswa plent sou kesyon aksesibilite oswa nenpòt lòt kontni sou vote.gov, imèl Section508-vote@gsa.gov.

Gen resous anplis sou aksesibilite ki disponib

Jwenn plis enfòmasyon sou paj wèb aksesibilite GSA a si ou bezwen:

Paj sa a te revize epi aktyalize nan mwa Me 2024.