Vòt ou an sekirite

Kisa ki rive apre ou fin vote? Kit ou te vote pa kourye lapòs oswa an pèsòn, gen pwosesis ki anplas pou asire vòt ou sekirize. Biwo eleksyon Eta ak lokal yo ap fè demach pou asire vòt ou konte kòrèkteman epi vwa w reprezante.

A poll worker sets up a table at a voting place.

Administrasyon Eta yo ap pran mezi pou eleksyon yo rete jis epi sekirize

Menmsi sèten pwotokòl ka diferan nan chak Eta, tout Eta yo gen sistèm anplas pou:

  • Asire se sèlman votè ki elijib ki kapab vote
  • Konte vòt yo kòrèkteman nan yon fason ki sekirize
  • Sètifye rezilta yo anvan yo rann yo ofisyèl epi piblik
  • Kolabore ak patnè federal pou pwoteje kont entèferans eksteryè
  • Defann entegrite eleksyon yo gras ak sistèm sekirite ki gen plizyè nivo

Rejis eleksyon yo sou papye

Plis pase 98% votè toupatou kapab depoze bilten vòt yo sou rejis an papye. Ofisyèl eleksyon yo kenbe dokiman detaye ki anrejistre kantite ak anplasman bwat bilten vòt yo anvan, pandan ak apre Jou Eleksyon an. Fichye sa yo garanti bilten vòt yo pa ka manipile epi yo ka odite yo apre eleksyon pou tcheke si gen iregilarite.

Bilten vòt yo estoke an tout sekirite

Lè Jou Eleksyon an fini, bilten vòt, fichye ak ekipman yo met anplas an sekirite epi transpòte nan biwo eleksyon yo. Ofisyèl eleksyon yo konte epi estoke bilten vòt yo nan biwo eleksyon yo. Bilten vòt yo dwe rete estoke pandan 22 mwa apre eleksyon federal, sizoka yo bezwen rekonte yo oswa pou lòt pwosesis apre eleksyon. Jwenn plis enfòmasyon sou sa ki rive bilten vòt ou an apre ou fin vote (an angle).

Bilten vòt ki rive pa kourye lapòs toujou byen sekirize

Eta ki ofri posiblite pou vote pa kourye lapòs gen anpil mezi sekirite anplas. Mezi sa yo garanti tout bilten ki retounen yo ofisyèl epi se votè elijib yo ki ranpli li toutbon vre.

Mezi sekirite yo gendwa gen ladann:

  • Verifikasyon si siyati a koresponn
  • Kontwòl enfòmasyon
  • Kòdbar
  • So an filigràn
  • Presizyon pwa papye yo

Ofisyèl eleksyon yo pran anpil prekosyon pou asire votè yo vote yon grenn bilten vòt sèlman nan yon eleksyon. Si yon votè mete plis pase yon bilten vòt nan bwat bilten vòt la (sètadi, li vote pa kourye lapòs epi li eseye vote an pèsòn nan Jou Eleksyon an), y ap konte yon sèl bilten vòt. Otorite yo envestige ka kote gen doub vòt posib oswa lè yon moun vòlè idantite yon votè.

Yo teste machin pou vote ak pou konte bilten yo

Ofisyèl eleksyon yo teste machin pou vote ak machin pou konte bilten vòt yo pou asire yo mache kòrèkteman. Prèske tout Eta ak teritwa yo òganize tès “lojik ak presizyon” sou machin pou vote ak machin pou konte bilten vòt yo. Tès sa yo garanti vòt pou chak kandida epi repons pou kesyon ki poze sou bilten an konte kòrèkteman.

Ou kapab gade tès y ap fè yo. Kontakte ofisyèl eleksyon lokal ou yo (an angle) pou aprann kijan ou kapab obsève tès lojik ak presizyon yo nan zòn ou an. Sèten Eta konn bay pèmisyon pou gade bilten vòt y ap anrejistre yo nan yon videyo an dirèk oswa an pèsòn.

Nan pifò Eta yo, Komisyon Asistans pou Eleksyon (Election Assistance Commission) dwe sètifye epi/oswa teste Laboratwa Tès Sistèm pou Vote a, ki akredite pa Komisyon Asistans pou Eleksyon an anvan yo ka itilize li.

Ou ka ede fè eleksyon yo an sekirite

Rete veyatif pou koutfil oswa mesaj tèks eskwokri yo

Lè gen yon eleksyon ki prevwa, sa konn rive souvan pou resevwa mesaj tèks ak koutfil gwoup politik. Gwoup sa yo ka eseye konvenk ou pou w sipòte sèten kandida oswa aksyon ki make sou bilten vòt yo. Sèten ladan yo gendwa menm mande pou don lajan. Sepandan, magouyè yo ka itilize menm taktik sa yo. Men kèk fason pou idantifye yon woutin apèl otomatize (robocall) oswa yon magouy nan mesaj tèks:

  • Moun k ap rele a oswa k ap tekste a mande enfòmasyon pèsonèl, tankou nimewo Sosyal Sekirite w. Yo gendwa di w ou kapab vote bonè nan telefòn oswa korije erè nan enskripsyon votè w lan ki pa egziste vreman. Sonje: nan okenn Eta ou pa ka enskri pou vote, ni mete enskripsyon ou ajou osnon vote nan telefòn.
  • Moun k ap rele a oswa k ap tekste a mande enfòmasyon sou kat kredi w oswa lòt enfòmasyon finansyè. Sèten magouyè gendwa ofri yon kat kado ann echanj pou reponn yon sondaj, men apresa yo pral mande w enfòmasyon sou kat kredi w lan pou peye pou anvwa a. Fè atansyon lè w ap bay enfòmasyon sou kat kredi w nan telefòn.
  • Moun k ap rele a oswa k ap tekste a ap plede ensiste pou bay lajan nan telefòn men li p ap ba w lòt fason pou bay lajan an. Si ou kwè se ka yon koutfil magouy, konsidere mande si gen yon wèbsayt kote ou kapab jwenn plis enfòmasyon anvan.

Rapòte zak kriminèl ki gen pou wè ak eleksyon

Si ou temwen oswa si ou sispèk zak kriminèl fèt nan kad eleksyon yo, ou kapab rapòte yo:

Jwenn plis enfòmasyon konsènan zak kriminèl nan kad eleksyon federal yo ak kijan pou rapòte yo (an angle).

Jwenn yon travay kòm yon manm nan pèsonèl biwo vòt

Sipòte kominote w la, vin ede eleksyon yo dewoule san pwoblèm antank yon manm pèsonèl biwo vòt. Manm pèsonèl biwo vòt yo souvan konn touche oswa yo resevwa fòmasyon anvan yo kapab ofri sèvis yo. Jwenn enfòmasyon sou fason ou kapab vin yon manm pèsonèl biwo vòt (an angle) nan kominote w lan.

Plis resous toujou

Kontakte biwo eleksyon lokal ou an pou jwenn plis enfòmasyon konsènan aksyon espesifik biwo a pran pou kenbe eleksyon an antout sekirite epi san danje. Anpil ajans leta federal ap travay tou pou pwoteje vòt ou an: