បោះឆ្នោតដោយជនពិការ

មិនថាអ្នកបោះឆ្នោតដោយផ្ទាល់ ឬតាមសំបុត្រនោះទេ អ្នកមានសិទ្ធិទទួលបានការសម្របសម្រួលភាពងាយស្រួល។

ជ្រើសរើសជម្រើសចុះឈ្មោះដែលមានប្រសិទ្ធិភាពសម្រាប់អ្នក 

ចុះឈ្មោះតាមអ៊ីនធឺណិត៖ រដ្ឋភាគច្រើនអនុញ្ញាតឱ្យអ្នកចុះឈ្មោះបោះឆ្នោត 

និងធ្វើបច្ចុប្បន្នភាពការចុះឈ្មោះបោះឆ្នោតរបស់អ្នកតាមអ៊ីនធឺណិត។ ជ្រើសរើសរដ្ឋរបស់អ្នក ដើម្បីមើលថាតើរដ្ឋរបស់អ្នកផ្តល់ការចុះឈ្មោះតាមអ៊ីនធឺណិតដែរឬទេ។ រដ្ឋរបស់អ្នកត្រូវប្រាកដថាគេហទំព័របោះឆ្នោតមានភាពងាយស្រួលក្នុងការប្រើប្រាស់សម្រាប់មនុស្សគ្រប់សមត្ថភាព។ 

ចុះឈ្មោះតាមសំបុត្រ៖ អ្នកអាចទាញយក បោះពុម្ព  

និងបញ្ជូនទម្រង់បែបបទចុះឈ្មោះអ្នកបោះឆ្នោតតាមប្រៃសណីយ៍ជាតិនៅគ្រប់រដ្ឋ លើកលែងតែរដ្ឋ New Hampshire, North Dakota, Wisconsin និង Wyoming។ ទម្រង់នេះមានជាភាសាជាច្រើន។ សុំឱ្យមិត្តភ័ក្តិ ឬសមាជិកគ្រួសារជួយអ្នកបំពេញទម្រង់បែបបទ ប្រសិនបើចាំបាច់។

ចុះឈ្មោះដោយទៅផ្ទាល់៖ អ្នកអាចចុះឈ្មោះនៅការិយាល័យរដ្ឋាភិបាលជាច្រើនប្រភេទ រួមមាន៖ 

• ការិយាល័យបោះឆ្នោតរដ្ឋ និងមូលដ្ឋាន 
• ការិយាល័យយានយន្តរបស់រដ្ឋ 
• ការិយាល័យជំនួយសាធារណៈ និងជនពិការ 
• បណ្ណាល័យមួយចំនួន 

នៅតាមបរិវេណមហាវិទ្យាល័យ និងសាកលវិទ្យាល័យមួយចំនួន

អ្នកអាចនាំនរណាម្នាក់មកជួយអ្នកចុះឈ្មោះ ប្រសិនបើចាំបាច់។ 

មធ្យោបាយងាយស្រួលនៅពេលបោះឆ្នោតដោយផ្ទាល់  

នៅពេលអ្នកបោះឆ្នោតដោយផ្ទាល់ អ្នកមានសិទ្ធិស្នើសុំការសម្របសម្រួលមធ្យោបាយដែលធ្វើឱ្យវាងាយស្រួលសម្រាប់អ្នកដើម្បីបោះឆ្នោត។ បញ្ជីត្រួតពិនិត្យច្បាប់ពិការភាពរបស់ជនជាតិអាមេរិកស្តីពីភាពងាយស្រួលនៃកន្លែងបោះឆ្នោត(ជាភាសាអង់គ្លេស) មានព័ត៌មានអំពីអ្វីដែលអ្នកអាចស្នើសុំបាន។

ឧទាហរណ៍​នៃ​ការសម្របសម្រួលមធ្យោបាយ​ដែល​បាន​ការពារ​ដោយ​ច្បាប់​រួម​មាន៖

• សេវាជំនួយសត្វ 
• នរណាម្នាក់ដើម្បីជួយអ្នកបោះឆ្នោត (មិនអាចជានិយោជក ឬតំណាងសហជីពរបស់អ្នក) 
• បង្កាន់ដៃនៅលើជណ្តើរទាំងអស់នៅទីតាំងបោះឆ្នោត 
• កន្លែងចតរថយន្តសម្រាប់ឣ្នកពិការ
• ឯកសារបោះឆ្នោតជាឣក្សរធំៗ
• ច្រកចូល និងទ្វារនៅទីតាំងបោះឆ្នោតដែលមានទទឹងយ៉ាងតិច 32 អ៊ីញ
• ទីតាំងបោះឆ្នោតដែលអាចប្រើរទេះរុញបាន ទាំងខាងក្នុង និងខាងក្រៅ 
• យ៉ាងហោចណាស់មានឧបករណ៍បោះឆ្នោតសម្រាប់ឣ្នកពិការដែលអាចចូលប្រើបាននៅគ្រប់ទីតាំង។ ឧបករណ៍ទាំងនេះជួយអ្នកបោះឆ្នោតដែលពិការភ្នែក ខ្សោយភ្នែក ឬមានតម្រូវការមធ្យោបាយងាយស្រួលផ្សេងទៀត។ 
• អ្នកធ្វើការនៅកន្លែងបោះឆ្នោតដើម្បីជួយអ្នកប្រើប្រាស់ឧបករណ៍បោះឆ្នោតសម្រាប់ឣ្នកពិការ ។

អ្នកក៏អាចទាក់ទងការិយាល័យបោះឆ្នោតរដ្ឋ ឬមូលដ្ឋាន(ជាភាសាអង់គ្លេស) របស់អ្នកមុនថ្ងៃបោះឆ្នោត ហើយពិនិត្យមើលថាតើទីតាំងបោះឆ្នោតរបស់អ្នកមានមធ្យោបាយងាយស្រួលដែលអ្នកត្រូវការដែរឬទេ។ នៅពេលអ្នកនិយាយជាមួយពួកគេ ចូរច្បាស់អំពីអ្វីដែលអ្នកត្រូវការដើម្បីធ្វើឱ្យការបោះឆ្នោតងាយស្រួលសម្រាប់អ្នក។ អ្នកក៏អាចស្នើសុំសន្លឹកឆ្នោតជាភាសារបស់អ្នក ឬទម្រង់ផ្សេងទៀត (ដូចជាឣក្សរធំៗ ឬជាសំឡេង)។ 

ប្រសិនបើអ្នកដឹងថាទីតាំងបោះឆ្នោតរបស់អ្នកមិនអាចចូលបានសម្រាប់អ្នកទេ សូមសួរការិយាល័យបោះឆ្នោតរបស់អ្នកអំពីជម្រើសផ្សេងទៀតដែលមាន។ អ្នកប្រហែលជាអាច៖

• បោះឆ្នោតតាមរយៈការបោះឆ្នោតនៅចិញ្ចើមផ្លូវ(ជាភាសាអង់គ្លេស) ដែលបុគ្គលិកបោះឆ្នោតនាំយកអ្វីគ្រប់យ៉ាងដែលអ្នកត្រូវការដើម្បីបោះឆ្នោតទៅរថយន្តរបស់អ្នក។
• បោះឆ្នោតនៅទីតាំងបោះឆ្នោតផ្សេងដែលអាចចូលបានសម្រាប់ឣ្នកពិការ។ 

ការសម្របសម្រួលសម្រាប់ការបោះឆ្នោតតាមសំបុត្រ ឬអវត្តមាន

នៅក្នុងរដ្ឋជាច្រើន អ្នកអាចជ្រើសរើសបោះឆ្នោតអវត្តមាន ប្រសិនបើទីតាំងបោះឆ្នោតរបស់អ្នកមិនអាចចូលបានសម្រាប់អ្នក អ្នកនឹងធ្វើដំណើរនៅថ្ងៃបោះឆ្នោត ឬប្រសិនបើវាសមហេតុផលជាងសម្រាប់អ្នកក្នុងការបោះឆ្នោតពីផ្ទះ។ ស្នើសុំសន្លឹកឆ្នោតអវត្តមានក្នុងរដ្ឋរបស់អ្នក។ រដ្ឋខ្លះរៀបចំការបោះឆ្នោតទាំងស្រុងតាមសំបុត្រ។ 

ទាំងនេះគឺជាឧទាហរណ៍មួយចំនួននៃការសម្របសម្រួលដែលអាចមាននៅពេលបោះឆ្នោតតាមសំបុត្រក្នុងរដ្ឋរបស់អ្នក៖ 

• ឯកសារបោះឆ្នោតក្នុងទម្រង់ជំនួស ដូចជាឣក្សរធំៗ ឬជាសំឡេង
• តម្រូវការហត្ថលេខាក្នុងទម្រង់ជំនួស ដូចជាការវាយបញ្ចូលហត្ថលេខារបស់អ្នក 
• ប្រព័ន្ធគូសសន្លឹកឆ្នោតពីចម្ងាយសម្រាប់ឣ្នកពិការ។ ជម្រើសនេះអនុញ្ញាតឱ្យអ្នកគូសសន្លឹកឆ្នោតតាមអេឡិចត្រូនិក បោះពុម្ពវាចេញ ហើយបន្ទាប់មកផ្ញើវា ឬយកវាទៅការិយាល័យបោះឆ្នោតរបស់អ្នកវិញ។

ត្រូវប្រាកដថាមានផែនការដើម្បីប្រគល់សន្លឹកឆ្នោតរបស់អ្នកមកវិញ។ អាស្រ័យលើច្បាប់របស់រដ្ឋ អ្នកអាចប្រគល់ត្រឡប់មកវិញតាមប្រៃសណីយ៍ ប្រអប់ទម្លាក់ ឬឱ្យនរណាម្នាក់ប្រគល់សន្លឹកឆ្នោតជំនួសអ្នក។ ការប្រគល់សន្លឹកឆ្នោតអេឡិចត្រូនិកគឺជាជម្រើសមួយផ្សេងទៀតដែលអាចមាននៅក្នុងរដ្ឋរបស់អ្នក។ ជម្រើសនេះអនុញ្ញាតឱ្យអ្នកផ្ញើសន្លឹកឆ្នោតរបស់អ្នកមកវិញតាមរយៈអ៊ីមែល ទូរសារ ឬវិបផតថលអនឡាញ។ ​ ​​ ​​

គន្លឹះ និងធនធានបន្ថែមទៀតសម្រាប់អ្នកបោះឆ្នោតដែលមានភាពពិការ 

• ទាក់ទងការិយាល័យបោះឆ្នោតក្នុងតំបន់(ជាភាសាអង់គ្លេស)របស់អ្នក ប្រសិនបើអ្នកមានបញ្ហាជាមួយគេហទំព័របោះឆ្នោតរដ្ឋរបស់អ្នក ឬប្រសិនបើទីតាំងបោះឆ្នោតរបស់អ្នកមិនត្រូវបានរៀបចំដើម្បីឱ្យអ្នកអាចចូលប្រើបាន។ 
• ស្វែងរកភ្នាក់ងារការពារ និងតស៊ូមតិនៅក្នុងរដ្ឋរបស់អ្នកតាមរយៈ National Disability Rights Network។
• នេះគឺជាបញ្ជីធនធានជាច្រើនទៀតសម្រាប់អ្នកបោះឆ្នោតដែលមានភាពពិការ(ជាភាសាអង់គ្លេស)។ 

ប្រសិនបើអ្នកជឿថាអ្នកត្រូវបានគេរើសអើងដោយសារតែភាពពិការរបស់អ្នកនៅពេលបោះឆ្នោត សូមរាយការណ៍ពីបទពិសោធន៍(ជាភាសាអង់គ្លេស)របស់អ្នកទៅក្រសួងយុត្តិធម៌។ 

ច្បាប់សហព័ន្ធការពារសិទ្ធិរបស់អ្នកក្នុងការបោះឆ្នោត

ច្បាប់សហព័ន្ធជាច្រើនការពារការចុះឈ្មោះ និងសិទ្ធិបោះឆ្នោតរបស់ជនពិការអាមេរិក៖

• ច្បាប់ស្តីពីជនជាតិអាមេរិកដែលមានភាពពិការ
• ច្បាប់ជួយអាមេរិកបោះឆ្នោត 
• ច្បាប់ការចុះឈ្មោះអ្នកបោះឆ្នោតជាតិ 
• ច្បាប់ស្តីពីលទ្ធភាពការបោះឆ្នោតសម្រាប់មនុស្សចាស់ និងជនពិការ 
• ច្បាប់ស្តីពីសិទ្ធិបោះឆ្នោត 

ស្វែងយល់បន្ថែមអំពីច្បាប់សហព័ន្ធដែលការពារសមត្ថភាពរបស់អ្នកក្នុងការបោះឆ្នោតនៅក្នុង សៀវភៅណែនាំដឹងអំពីសិទ្ធិបោះឆ្នោតរបស់អ្នក (PDF) (ជាភាសាអង់គ្លេស) ពីក្រសួងយុត្តិធម៌។